Елімізде жол жүру ережелеріне бірқатар өзгерістер енгізіліп, кейбір талаптар күшейтілді. Соның ішінде жедел жәрдем мен полиция көлігіне жол бермеген жүргізушілерге 80 мың теңгеге дейін айыппұл салынатын болды.

Сондай-ақ, қозғалып келе жатқан көліктің терезесінен басын шығарған азаматтар да жауапкершілікке тартылады. Олар 40 мың теңгеге дейін айыппұл төлеуі мүмкін.

Дегенмен, кейбір заң нормалары жұмсартылды. Бұған дейін жол-көлік апатына кінәлі жүргізуші ешкімнің өліміне себепші болмаса да, жарты жылға дейін жүргізуші куәлігінен айырылатын. Енді ол 80 мың теңге айыппұл төлеп, жүргізуші құқығын сақтап қала алады.