Шымкент түрмесінде жазасын өтеушілердің бірі жұмбақ жағдайда ажал құшты. Туыстары 37 жастағы жігітті мекеме қызметкерлері «ұрып өлтірді» десе, тәртіп сақшылары өлімнің созылмалы аурудан болғанын алға тартты.

Ер адам темір торға бір ай бұрын ғана түскен. Марқұмның артында 3 баласы мен келіншегі қалды. Ал қылмыстық істің қай бап бойынша қозғалатыны сот-медициналық сараптамасынан соң белгілі болмақ.