Отырар аудандық полиция бөлімінің бастамасыменШәуілдір ауылындағы Ш.Қалдаяқов атындағы мектеп-гимназиясында жас ұрпақты отансүйгіштікке, ел тыныштығын қорғауға және ұлттық әскер сапында адал қызмет етуге баулитынерекше жоба – «Жас сақшы» полиция сыныбыашылды. Бұл сыныпқа ауданның құрметті азаматы, Ұлы Отан соғысының ардагері, милиция полковнигі Ерсұлтан қажы Аманбайұлының есіміберілді.  

Салтанатты рәсімге аудан әкімінің орынбасарыА.Құлмаханов, Түркістан облысы полиция департаментінің тәрбие және кадр жұмысы басқармасының бастығы Мақсат Асқаров, Түркістан облысының ішкі істер органдары мен Ұлттық ұлан ардагерлер алқасының төрағасы Оспанғазы Жанқожаев, аудандық полиция бөлімінің бастығы Берик Нышанбаев, сондай-ақ аудандық ардагерлер алқасының төрағасы Жұмахан Әбдікадыров қатысты.